Dewis Ardal Gwyliau yng Ngheredigion......

I'r de o Lanbedr Pont Steffan yr afon Teifi sydd yn ffurfio'r ffin rhwng Ceredigion â Sir Gaerfyrddin, yn gyntaf, ac yna â Sir Benfro, wrth iddi lifo drwy Landysul gan anelu am Aberteifi a Bae Ceredigion.

Ni chymer ond rhyw awr a hanner, gan amlaf, i deithio mewn car modur o'r Borth i Aberteifi. 'Does yr un o bentrefi neu drefi gwledig Ceredigion fawr pellach na hanner awr mewn car modur o draeth euraidd bendigedig neu lwybr yr arfordir. Yn yr un modd, 'does yr un o ardaloedd gwyliau arfordirol Ceredigion sydd fwy na rhyw hanner awr o siwrnai mewn car modur o olygfeydd mynyddig godidog, llwybrau beicio mynydd neu lwybrau cerdded yn yr ucheldir.

Er hwylustod, disgrifir prif ardaloedd gwyliau Ceredigion ar y tudalennau hyn o dan enw'r dref neu bentref agosaf sydd â'r ystod fwyaf o gyfleusterau i'w cynnig. Cadwch mewn golwg, fodd bynnag, bod Ceredigion yn dra gwahanol i fwyafrif ardaloedd y Deyrnas Unedig gyfoes gan fod mwyafrif trigolion Ceredigion yn dal i fyw yng nghefn gwlad yn hytrach na threfi mawrion. Mae dros 150 o bentrefi a threfi bychain yng Ngheredigion ac nid yw poblogaeth y dref fwyaf, sef Aberystwyth, fwy na 20,000.